ذكرياات

اليوم من ضيقت الخاطر قلت بقعد انبش بالهاردسك واشوف الصور وبنبش بملفات القديمه..

طلعت بكميه من الابتسامات الي  تكفيني سنه لي جدام!

جد يعني في صور لما شفتها قبل كنت اعتقد نفسي اجمل بنات هالدنيا!! ولما شفتها اللحين قلت بقلبي شهالجكر الله لايبلانا:p

ذكريات لاشخاص وانا اشوفهم اعتقدت ان بعمري مراح افارقهم!

كنت ارسم وياهم احلاااام واحلااااام واحلاااام

كنا مانتكلم عن طموحنا لسنه ولسنتين!

كنا نتكلم عن ١٠ سنين وطالع!

رحلوا هالاشخاص وبقت ذكرياتهم 

علي الرغم من كل الي صار والذكري الي تعور القلب الا اني ابتسمت علي ايام جميله مانكر روعتها،،،

يمكن يجي اليوم الي اقرا فيه هالمدونه وابتسم واقول ذكريااااات ،،

يومياتي ١-٣

ببدي ان شالله من اليوم بالتدوين في اليوميات ،، 

ان شالله كل ماقدرت اجي اكتب يومياتي لاني عارفه لو اكتبها لنفسي راح افقدها ومافي مكان الا اهني،،

ارد اعيد مااملك مهاره في الكتابه الي املكه خربطه فقط،،،

#######

ملل..

ياربي ضايق خااااااطري بشكل مو طبيعي!!

يعني ليش الناس تنظر للانسان الي يقعد ع كرسي متحرك هالنظره!!

ماتسوي علي مراجعه اليوم!!

باجي بس اوزع عليهم علب كلينكس يمسحون دموعهم !!

مالوم المعاقين لي كرهوا هالمجتمع،،،

لاووفوق هذا تكمل اللحين بهالنقاش،،!

بعرف شنستفيد لما نفتش من الماضي ونزعل اقرب الناس لنا !!!

شي صار من سنين ،، مو من شهر ولا حتي سنه !! من ٥ سنين او اكثر ليش ننبش فيه ونضيق صدورنا وصدور الي حولنا!

من كثر ماتآزمت من الي صار  طردت كل الي عندي بالغرفه 

وقامت اختي  الصغيره حطت الورقه عند الباب

مسكينه كسرت خاطري والله :(

لي متي العصيان

أحاسب نفسي كل ليله

وأسبل عبرتي ندمان

أحاورها أعاتبها

 لمتى العصيآن

وكم مره خذلتيني

أعاهد وأرجع لذنبي

وأحس شي انكسر فيني

أنا خجلان من ربي

يانفسي لمتى العصيآن

حريصة عالشكل والصيت

ورآي الناس شاريته

يامغروره بحب الناس

يامخدوعة بحب الناس

ورضى الرحمن ناسيته

يانفسي لمتى النسيـآن

أبيلك جنة الرضوآن

وتبيني بالهوى حيرآن

وشهواتك ألبيهـا

حصيلتها أنا الخسرآن

يانفسي لمتى الخسران

من الليله أبى أتحدى

وشوفي كيف أبى أعصي هوآي

ومنو اللي طاعته أبدى

يانفسي انتي أو مولاي

يانفسي لمتى العصيـآن

بسبب كوب ماء!

السلام عليكم ورحمه الله ،،

لي اللحين ماتعودت اني انحرم من الحركه والتنقل،،

امس الفجر بغيت اشرب مسكن ،، ولاكان عندي ماي ومن طلعت من المستشفي امشي علي رجل وحده فقط لدوره المياه عزكم الله لكن امس ماقدرت كنت حيل محتاجه الماي وراح اضطر اجيبه من المطبخ ،،

المهم رحت اطامر علي رجل وحده وبايدي كوب ماي بعبيه  فجاه الا عتبه جدامي احترت شلون بطمر عليها!!! 

مامداني طمرت الا انا طايحه ،،

جد مووقف سخيف حسسني اني ولاشي!

حسسني بالضعف وبنفس الوقت بالالم لاني طحت ع رجلي الي تعورني ،،،

حاولت اقوم اعدل ننفسي لكن ماكو فايده ،،

فجاه الا اختي نازله من فوق اسمعت صوت طيحتي 

<انا خفت من بعد هالطيحه تصير حفره بالمطبخ :p

المهم ساعدتني وشربت هالماي الي مايسوي علي ورجعت فراشي ونا ااقول 

مايسوي علي هالماي!

السلام عليكم ورحمه الله صباح الخير،، صباح السعاده،، صباح الطاعه،،، من زمان اكثر عن هالمكان،، توني قاعد اكل ريوقي عشان اكل دواي وطاح كرتون الدوا من السرير ولاقدرت اجيبه وطري علي هالموضوع ،،،-*- قبل جم يوم كنت مراجعه دكتور الجراحه كالعاده يعني ،، دخلت طالع رجلي لفها يمين ويسار وبعدها قال روحي المحاسبه دفعي فلوس العمليه اللحين انا دكتور شلون اللحين !! لامااقدر احاول فيه اساحله ماكو فايده ليما اقتنع انها تتاجل الي الصبح الساعه 7 عطاني ورقتي ونزلت لدكتور التخدير اتفاهم معاه كانت دكتوره دخلت عليها وانا احس ان اي نسمت هوا بتطيح دمعتي دخلت وقلت لها دكتوره مابي احس بولاشي مابي اشوف ولا شي ابي من غرفتي فوق وانا مبنحه واصعد فوق وانا امبنجه قامت تسآلني اسنانج تركيب ولا طبيعيه <وانا حتي السو ال ماستوعبته قلت مادري سآلي امي رحت البيت وانا اقول بقلبي لا ان شالله حالها حال كل عمليه! شويت الم ويروح احداث واجد مرت بهالليله ماهداها الا ركعتين صليتهم وسوره يس وبعدها حسيت اني محتاجه انام لي ساعه قبل ماروح الحاصل في يوم العمليه جاتني حالت رعشان موطبيعيه<<تنكتب جذي اهي؟ كل مافيني يرجف الرجفه القويه اسناني تتصافق لبست لبس العمليه وانسدحت علي سرير العمليه عشان انزل تحت وغطيت وجهي وبدت الحياه تمر علي مواقف مادري من وين تذكرتها احداث واحداث مابي اتكلم عن الي صار وقت العمليه لان جد حسيت نفسي تفشلت والدكتور حاضر ويقول لامي بنتك قبانه -*- بس الي اذكره اهو اني صرخت وطلبت زياده جرعه المبنج ،، فجاه حسيت بختناق من هالزياده وجنه صعد لساني لي ورا او شي جذي ماذكر الاحداث عدل وبعدها اسمع صوت جهاز القلب ،، وقتها حسيت اني لازم استشهد وحمدت ربي اني كنت علي وضوء كانوا يكلموني ويطلبون مني اوامر بس ماكنت استوعب شي الي كنت ادور عنه اهو اصبعي السبابه حتي ارفعه واتشهد-*- طلعت من العمليه ب12غرزه اسلاك داخليه ،،، و18 غرزه خيوط خارجيه ماحزنت علي هالشي كثر ماحزنت علي نفسي وانا انتقل عن طريق كرسي متحرك،،، كنت قبل ايام امشي بنفسي للمكان الي ابيه واللحين راح اظل 6 اسابيع انتظر العون من احد فيهم -*- احسست بان عندي نعمه ماحسيت فيها الا لما فقدتها!! وكعادتي ماحس بالنعم الا بعد ماافقدهاا،، ودي اطول اكثر لكن لاالتعبير يساعدني ولا الحصيله اللغويه ،،،

ابعرف يابحر ذنبي؟!

أبعرف يابحر ذنبي وش اللي بعمري سويته أنا ماأذكر إني بيوم جرحت إنسان وبكيته

مدري شلون ابدي!

ياعالم هالدنيا غريبه !

تهون فيها كل شي!

العشره 

السنين

الايام

ماقول الا يعوضنا ربي خير

اشتقت لهالمكان:(

صوت الماي

سوالف 

ضحك 

والنسيم البارد

حدي مراح انسي هالمكان وقعدته وجمعتنا:(